الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض
***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر
***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود
***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي
صاحب السمو الملكي الأمير / بدر بن عبدالمحسن
آدام الله عز قادتنـــــــــــــــــا ..
كل عام وقيادتنا بخير وللخير تسمو ..
كل عام ووطننا في العلياء وللعلياء ..
كل عام وأرضنا محضن الكرماء ..
كل عام ونحنُ نبارك لقيادتنا ولأرضنا ولشعبنا و لبعضنا ..
كــــــــــــــــــل عامنا ووطننا في عيـــــــــــــــــــد .
الرئيسية 
اخر المشاركات* 
أحدث الصور 
التسجيل 
دخول 
تسجيل دخول للأعضاء 
موضوع: الأرض ثم الارض 
30/09/10, 11:38 am
